“မြန်မာနိုင်ငံတွင် ရိုဟင်ဂျာလူမျိုးလုံးဝမရှိခဲ့ကြောင်းကို ဗြိတိသျှကိုလိုနီလက်အောက် ၁၈၈၁ ခုနှစ် ကောက်ယူခဲ့သည့် သန်းခေါင်စာရင်းအစီရင်ခံစာပါ လူမျိုးစာရင်းများအရ အခိုင်အမာသက်သေပြနိုင်ခဲ့ကြောင်း နစက ဒုတိယဥက္ကဋ္ဌပြော”

ယနေ့မိမိတို့နိုင်ငံအပေါ် မလိုလားသည့် ပြည်ပနိုင်ငံတစ်ချို့၏ စွပ်စွဲထိုးနှက်နေသည့် ရိုဟင်ဂျာကိစ္စနှင့်ပတ်သက်၍ မြန်မာနိုင်ငံတွင် ရိုဟင်ဂျာလူမျိုးလုံးဝမရှိခဲ့ကြောင်းကို ဗြိတိသျှကိုလိုနီလက်အောက် ၁၈၈၁ ခုနှစ် ကောက်ယူခဲ့သည့် သန်းခေါင်စာရင်းအစီရင်ခံစာပါ လူမျိုးစာရင်းများအရ အခိုင်အမာသက်သေပြနိုင်ခဲ့ကြောင်း နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ၊ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်းက ပြောကြားသည်။

ယမန်နေ့မွန်းလွဲ ၂ နာရီတွင် နေပြည်တော်ရှိ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အစည်းအဝေးခန်းမ၌ ကျင်းပပြုလုပ်သည့် ၂၀၂၄ ခုနှစ် လူဦးရေနှင့် အိမ်အကြောင်းအရာသန်းခေါင်စာရင်း၊ ဗဟိုသန်းခေါင်စာရင်းကော်မရှင်၏ ပထမအကြိမ်လုပ်ငန်းညှိနှိုင်းအစည်းအဝေး၌ ပြောကြားခဲ့ခြင်းဖြစ်သည်။

ထို့နောက် ဒုတိယဗိုလ်ချုပ်မှူးကြီးက ဆက်လက်ပြောကြားသည်မှာ လွတ်လပ်ရေးရပြီးနောက် ၁၉၅၃ ခုနှစ် မတ်လတွင် မြို့နယ်ပေါင်း (၂၅၂) မြို့နယ်နှင့် ချင်းပြည်နယ်ကို လည်းကောင်း၊ ၁၉၅၄ ခုနှစ်တွင် မြန်မာပြည် ပြည်မကျေးရွာအုပ်စု(၂၁၄၃)ခုနှင့် ကချင်ပြည်နယ်ရှိ ကျေးရွာအုပ်စု (၁၀၁၆)ခုတွင် လည်းကောင်း၊ လူဦးရေသန်းခေါင်စာရင်းကောက်ယူခဲ့ကြောင်း၊ တစ်နိုင်ငံလုံး အတိုင်းအတာနှင့် ကောက်ယူနိုင်ခဲ့သည့် ၁၉၇၃ ခုနှစ်တွင်တစ်ကြိမ်၊ ၁၉၈၃ ခုနှစ်တွင် တစ်ကြိမ်၊ ၂၀၁၄ ခုနှစ်တွင် တစ်ကြိမ်၊ စုစုပေါင်း(၃)ကြိမ် ကောက် ယူနိုင်ခဲ့ကြောင်း၊ ၁၉၈၃ ခုနှစ် သန်းခေါင်စာရင်း ကောက်ယူပြီးနောက်ပိုင်း အကြောင်းအမျိုးမျိုးကြောင့် နှစ်ပေါင်း(၃၀)ကြာ သန်းခေါင်စာရင်းကောက်ယူနိုင် ခြင်းမရှိခဲ့သည့် ၁၉၈၃ ခုနှစ် စာရင်းပေါ်တွင်အခြေခံပြီး လူဦးရေအပါအဝင်လူမှုစီးပွားဆိုင်ရာ အချက်အလက်များရရှိမှုနှင့် အသုံးပြုမှုများကြောင့်လည်း အားနည်းချက်များ အနည်းနှင့်အများ ဖြစ်ခဲ့သည်ကို အားလုံးအသိပင်ဖြစ်ကြောင်း ရှင်းလင်းပြောကြားသည်။

နိုင်ငံတော်သမ္မတ ဦးသိန်းစိန် အစိုးရလက်ထက်တွင် ကျရောက်ခဲ့သော တိုင်းအစိုးရအဖွဲ့နှင့် နေအိမ်အကြောင်းအရာ သန်းခေါင်စာရင်းကို တစ်နိုင်ငံလုံး အတိုင်းအတာနှင့် အောင်မြင်စွာလုပ်ဆောင်နိုင်ခဲ့ပြီး နိုင်ငံတော်အတွက် လိုအပ်သည့် စာရင်းအင်းဆိုင်ရာ အချက်အလက် အတော်များများ တာဝန်ထမ်းဆောင်ရန်၊ စီရင်စုနိုင်ငံအတွင်းဆိုင်ရာ ပြောင်းလဲမှုများ လျင်မြန်စွာဖြစ်ပေါ်နေချိန်တွင် စာရင်းအင်းလိုအပ်နေမှုကို အချိန်နှင့်တစ်ပြေးညီရရှိနိုင်ရန် ကြားဖြတ်သန်းခေါင်စာရင်းကို ကောက်ယူအောင်မြင်စွာနိုင်ခဲ့ ရပ်ကွက်နှင့်လူမှုစီးပွားဆိုင်ရာများစွာကို ပံ့ပိုးပေးနိုင်ခဲ့ပြီး စာရင်းအင်းအချက်အလက်များအသုံးပြုမှု ပိုမိုအားကောင်းလာသည်ကိုတွေ့ရကြောင်းဖြင့်လည်း ပြောကြားခဲ့သည်ဟု သတင်း

#mhtnews