“ရန်ကင်းမိုးကောင်းဆေးရုံကို ရှော့တိုက်ဒုံးဖြင့်ပစ်ခဲ့သည့်အကြမ်းဖက် ဆရာဝန်တစ်ဦးအပါအဝင် ငါးဦးကို လက်နက်ခဲယမ်းများနှင့်အတူ ဖမ်းဆီးရမိ”

ရန်ကုန်တိုင်းဒေသကြီး၊ ရန်ကင်းမြို့နယ်၊မိုးကောင်းရတနာကလေးဆေးရုံကို ပြီးခဲ့သည့် ဇူလိုင် ၂၁ ရက်ညက ရှော့တိုက်ဒုံးဖြင့် ပစ်ခဲ့သော အကြမ်းဖက်ခေါင်းဆောင် ဒေါက်တာပြည့်ဖြိုးပိုင် ဦးဆောင်သည့် NUG လက်ပါးစေ ငါးဦးကိုလက်နက် ခဲယမ်း များနှင့်အတူ ဖမ်းဆီးရမိခဲ့သည်ဟု လုံခြုံရေး အသိုင်းအဝိုင်းနှင့် နီးစပ်သူများထံမှ သိရသည်။

ဖြစ်စဥ်တွင် ပါဝင်သည့် တရားခံများအနက် အကြမ်းဖက်သမားများကို ပို့ဆောင်ပေးသော ကားသမား သန်းနိုင်နှင့် ဖီလ်ဒါကားကိုဩဂုတ် ၄ ရက်နေ့တွင် ဖမ်းဆီးရမိခဲ့ရာမှ ၎င်း၏ ထွက်ဆိုချက်အရ ရွှေပြည်သာမြို့၊ (၅) ရပ်ကွက် ဒေါ်လွင်လွင်သက်အဆောင်တွင်နေသော ဂျယ်လီကို ဩဂုတ် ၆ ရက်တွင်လည်းကောင်း၊ တိုက်ခိုက်မှုကို ချိတ်ဆက်ဆောင်ရွက်ပေးသူ မိုက် (ခေါ်) ဇော်ကြီးအား ရွှေပြည်သာမြို့ (၆) ရပ်ကွက်ရှိ သူ၏နေအိမ်မှလည်းကောင်း၊ ရှော့တိုက်ဒုံးများသိမ်းဆည်းပေးသူ နှင့် အဖွဲ့ခေါင်းဆောင်ဖြစ်သူ ဒေါက်တာပြည့်ဖြိုးပိုင်အား ရွှေပြည်သာမြို့၊(ထ/၁၆)ရပ်ကွက်နေအိမ်တွင် ရှော့တိုက်ဒုံး ၉ လုံး၊ ပို့ကျည် ၉ ခု၊ Sigsauer ပစ္စတိုတစ်လက်၊ ကျည်အိမ်နှစ်ခု၊ Glock ပစ္စတိုတစ်လက်၊ ကျည်အိမ်နှစ်ခု၊ပွိုင့် ၃၈၀ ကျည် ၇၅ တောင့်၊ ၉ မမကျည် ၅၀ တောင့်၊အသံတိတ်ပြောင်းတစ်ခုကို ဖမ်းဆီးရမိခဲ့ခြင်းဖြစ််သည်။

ထို့အပြင် ဩဂုတ် ၇ ရက်နေ့တွင် လည်း ယင်းတိိုက်ခိုက်မှုအတွက် စောင့်ကြည့်ပေးသူ ပင်ဒါ(ခေါ်) မင်းမင်းဦးကို ရွှေပေါက္ကံမြို့ (၂၁) ရပ်ကွက်နေအိမ်မှထပ်မံ ဖမ်းဆီးရမိခဲ့ပြီး အကြမ်းဖက်တိုက်ဖျက်ရေး ဥပဒေအရ အရေးယူဆောင်ရွက်သွားမည် ဖြစ်ကြောင်းသိရသည်။

#mhtnews